Англия чемпионатининг 18-туридан ўрин олган "Лидс" – "Арсенал" (1:4) учрашувига оид қизиқарли факт ва статистикалар билан танишинг.

– “Арсенал” биринчи бўлимда рақиб дарвозаси томон 11 та аниқ зарба йўллади. Бунақаси статистика ҳисобланиши бошлангандан (2003/04) бери ҳали кузатилмаганди;

– Марсело Бьелса “Лидс” бошқарувида илк бор лигадаги кетма-кет учта ўйинни бой берди. Уларнинг сўнгги иккитаси йирик мағлубият билан тугади, тўплар нисбати — 1:11;

– Эмиль Смит-Роу АПЛ жорий мавсумида 7 та гол урди. Инглиз футболчилари орасида фақат Жейми Варди (9) ундан олдинда бормоқда;

– "Арсенал”нинг барча мусобақалар доирасидаги сўнгги 15 та голидан 14 тасига 23 ёшдан кичик бўлган футболчилар муаллиф бўлди.