Angliya chempionatining 18-turidan o‘rin olgan "Lids" – "Arsenal" (1:4) uchrashuviga oid qiziqarli fakt va statistikalar bilan tanishing.
– “Arsenal” birinchi bo‘limda raqib darvozasi tomon 11 ta aniq zarba yo‘lladi. Bunaqasi statistika hisoblanishi boshlangandan (2003/04) beri hali kuzatilmagandi;
– Marselo Byelsa “Lids” boshqaruvida ilk bor ligadagi ketma-ket uchta o‘yinni boy berdi. Ularning so‘nggi ikkitasi yirik mag‘lubiyat bilan tugadi, to‘plar nisbati — 1:11;
– Emil Smit-Rou APL joriy mavsumida 7 ta gol urdi. Ingliz futbolchilari orasida faqat Jeymi Vardi (9) undan oldinda bormoqda;
– "Arsenal”ning barcha musobaqalar doirasidagi so‘nggi 15 ta golidan 14 tasiga 23 yoshdan kichik bo‘lgan futbolchilar muallif bo‘ldi.
