Испания чемпионати 28 - туридан ўрин олган "Реал"-"Малага" учрашувидан сўнг (1:1) мадридликлар бош мураббийи Жозе Моуриньо дуранг натижа қўрқинчли эмаслиги ва ҳакамлар бригадаси ҳақида AS нашрига фикр билдирди.
"Нима содир бўлган бўлса, - бу одатий ҳол. Биз яхши серия ўтказдик. Биз очко йўқотдик, бунинг ваҳимали жойи йўқ. Биз танафусдан сўнг ўйинимизни яхшилашга эришдик ва устунлик қилдик. Бизда имкониятлар кўпроқ бўлди. Лекин қаторасига барча учрашувларда ғалаба қозонишнинг иложи йўқ.
Шу ўринда ҳакамлар иккита қўпол хатога йўл қўйганларини айтмоқчиман. Улар "Малага" дарвозасига иккита пенальтини белгиламадилар. Қўшимчасига икки марта ўйиндан ташқари ҳолатда ҳам ноўрин қайд қилинди, бу ҳолатларда бизнинг ўйинчилар пассив офсайд ҳолатида эдилар. Бунақаси бўлиб туради. Яна қайтараман: ваҳимага ўрин йўқ.
Яна 11 ўйин ва 33 очко турибди. Чемпионлик масаласи очиқ турибди. Биз ҳар доим буни таъкидлаб келяпмиз. Биз рақобатчиларни кузатиш билан эмас, ўз ўйинимизни яхшилаш билан бандмиз".
