Италия А сериясининг 18-туридан ўрин олган бир қатор учрашувлар 19 декабрь, якшанба куни бўлиб ўтди. Турнинг марказий ўйини «Милан» ва «Наполи» жамоалари ўртасида кечди.

Учрашувнинг 5-дақиқасида Энес Элмаз томонидан урилган гол ўйинда ягоналигини сақлаб қолди. Иккинчи бўлимда "россонери" рақиб дарвозасига тўпни жойлаганди, аммо ВАР баҳсли қарор орқали голни бекор қилди.

Ушбу ғалабадан кейин «Наполи» очколарини 39 тага етказиб олган ҳолда иккинчи ўринга кўтарилди. «Милан» (39) эса учинчи поғонага тушиб кетди.

А серия, 18-тур
19 декабрь, якшанба
«Милан» — «Наполи» 0:1
Гол: 0:1 – 5 Элмаз.
«Милан»: Меньян, Флоренци (Калулу, 86), Романоли, Томори, Балло-Туре, Крунич (Салемакерс, 63), Кессиэ, Тонали (Беннасер, 78), Ибраҳимович, Браҳим Диас (Жиру, 63), Жуниор Мессиас (Кастильехо, 78).
«Наполи»: Оспина, Малкюи, Жезус, Рраҳмани, Ди Лоренцо, Демме (Лоботка, 54), Зелиньски (Унас, 77), Замбо-Ангисса, Элмаз (Гулям, 86), Петанья (Мертенс, 78), Лосано (Политано, 77).
Огоҳлантиришлар: Ди Лоренцо (33), Малкюи (67).