Ўйиндан олдинги матбуот анжуманида дастлаб “Насаф” устози Рўзиқул Бердиев ва жамоа ҳужумчиси Иван Бошкович иштирок этишди.

-Бизни эртага оғир учрашув кутиб турибди, -дея сўз бошлади қаршиликлар устози. –Рақибмиз анчайин жиддий жамоа ва биз улар ҳақида етарли ахборотга эгамиз. “Истиқлол” бир неча йиллардан буён ОЧЛда иштирок этиб келмоқда ва ўз мамлакатининг етакчи жамоаси ҳисобланади. Қолаверса, улар сўнгги учрашувларда ижобий натижаларни қўлга киритишмоқда. Шу боис эртанги учрашувда яхши натижага эришиш учун бор кучимиз билан ҳаракат қиламиз. Жамоамиз илк марта Осиё чемпионларги лигасида қатнашмоқда. Шунга қарамай  имкони борича яхши натижаларни қўлга  киритишни мақсад қилганмиз. Ўтган йили ОФК кубогида ғолиб чиққандик. Бу йили ҳам халқаро майдонда юртимиз шарафини муносиб ҳимоя қилиш ниятидамиз.

-Эртанги ўйиндан кейин Эронда миллий байрам – Наврўз нишонланади. Шу бо“Озоди” стадионида мухлислар у даражада кўп бўлмаслиги мумкин...

-Наврўз бу нафақат эронликларни, балки бизда ҳам миллий байрам ҳисобланади.   Байрам билан барчани табриклайман.  “Истиқлол” ўйинларида  одатда 50- 60 минг томошабин йиғилади. Биз буни биламиз. Стадионда мухлис қанча кўп бўлса, ўйин шу даражада яхши муҳитда ўтади..

-Гуруҳдан кейинги босқичга чиқиш учун қайси жамоаларнинг имкониятини юқори баҳолайсиз?

Иван Бошкович: -Кейинги босқичга ким чиқишини биринчи ўйинданоқ айтиш қийин. Аммо “Истиқлол” биринчи ўйинда сафарда ғалаба қозонди ва уларда бошқаларга қараганда имконият кўпроқ деб ҳисоблайман. Умуман гуруҳда барча жамоада имконият бор ва қолган бешта ўйиндан кейин кимнинг қаергача боришини билиб оламиз. Ҳар бир жамоа нимчорак финалга чиқиш учун кураш олиб боради.