"Интернасьионал" ҳужумчиси Юри Алберто фаолиятини "Барселона"да давом эттириши мумкин. Каталония клубига бразилиялик футболчининг трансферини амалга ошириш таклиф қилинган, деб хабар беради "Mundo Deportivo".
Олдинроқ, 20 ёшли футболчига даъвогарлардан бири "Зенит" эканлиги ҳақида маълумотлар пайдо бўлганди.
Ўтган мавсумда ҳужумчи "Интернасьионал" таркибида барча турнирларда 55 ўйин ўтказиб, 19 гол ва 4 голга ассистентлик қилган.
Унинг клуб билан шартномаси 2025 йилнинг 31 июлига қадар мўлжалланган. "Transfermarkt" портали форварднинг трансфер нархини 6 миллион еврога баҳоламоқда.
