Бугун Англия Премьер-Лига клублари вакиллари онлайн-форматда йиғилиш ўтказишди.
Клубларнинг вакиллари коронавирус билан боғлиқ мавжуд вазиятни муҳокама қилишди. Ўтган ҳафтада клубларда коронавирусга чалинган футболчилар пайдо бўлганлиги сабабли, бир қатор ўйинлар қолдирилганди.
The Athletic нашрининг тарқатган маълумотига қараганда, клуб вакиллари учта масалани муҳокама қилишди: барча байрам ўйинларини кейинроққа қолдириш, битта турни ўтказиб юбориш ва коронавирус билан боғлиқ вазият яхшилангунга қадар тўлиқ чемпионатни вақтинча тўхтатиб туриш.
Бироқ, юқоридаги учта масаланинг биттаси ҳам қўллаб-қувватланилмади. Айниқса, учинчи масалага барча клуб вакиллари қарши чиқишди.
Шу тариқа, Премьер-лига ўйинлари режадагидек давом эттириладиган бўлди.