Bugun Angliya Premyer-Liga klublari vakillari onlayn-formatda yig‘ilish o‘tkazishdi.
Klublarning vakillari koronavirus bilan bog‘liq mavjud vaziyatni muhokama qilishdi. O‘tgan haftada klublarda koronavirusga chalingan futbolchilar paydo bo‘lganligi sababli, bir qator o‘yinlar qoldirilgandi.
The Athletic nashrining tarqatgan ma’lumotiga qaraganda, klub vakillari uchta masalani muhokama qilishdi: barcha bayram o‘yinlarini keyinroqqa qoldirish, bitta turni o‘tkazib yuborish va koronavirus bilan bog‘liq vaziyat yaxshilangunga qadar to‘liq chempionatni vaqtincha to‘xtatib turish.
Biroq, yuqoridagi uchta masalaning bittasi ham qo‘llab-quvvatlanilmadi. Ayniqsa, uchinchi masalaga barcha klub vakillari qarshi chiqishdi.
Shu tariqa, Premyer-liga o‘yinlari rejadagidek davom ettiriladigan bo‘ldi.