Каталониянинг «Барселона» клуби бош мураббийи Хави Ла Лига доирасида «Севилья»га қарши бўлиб ўтадиган учрашув ҳақидаги фикрлари билан ўртоқлашди. 4-турнинг қолдирилган учрашуви 21 декабрдан 22 декабрга ўтар кечаси Тошкент вақти билан соат 01:30да бошланади.

«Севилья» чемпион бўлишга тайёр. Улар ўтган мавсумни деярли ютишганди. Агар улар ғалаба қозонишса, пешқадам сарига 3 очколик қадам ташлашган бўлади. Улар ўзлари иштирок этаётган барча турнирларда ғолибликка асосий давогар саналишади.

Бизда ЕЧЛда иштирок этиш учун ажойиб имконият бор. Биз Ла Лигада 15 очко жамғаришимиз керак бўлган ўйинларда 10 очко ишладик, бу ёмон натижа эмас.  Агар «Севилья» устидан ғалаба қозонадиган бўлсак, у ҳолда «Атлетико»ни ортда қолдиришга ва кучли тўртлик учун кураш олиб боришимизга имкон яратади», — деди Хави Marca нашрига.