Коронавирус тарқалиши сабабли Конференция лигаси гуруҳ босқичининг 6-туридан ўрин олган “Тоттенхэм” “Ренн” учрашуви ўтказилмади. Лондон клуби учрашувни ўтказиш учун астоцдил ҳаракат қилди (УЕФА қоидаларига кўра, ўйин 31 декабргача ўтказилиши керак эди), бироқ якунда улар маълум санани белгилай олишмади.
“Daily Mail” нашри хабарига кўра, “шпорлар” турли вариантларни таклиф қилишган ва ҳатто Францияда ўйнашга ҳам тайёр эдилар. Аммо, УЕФА ҳеч қайси вариантни қабул қилмади ва “Тоттенхэм”га 0:3 ҳисобидаги мағлубият ёзди. Шу сабабдан клуб еврокубоклардан чиқиб кетди.
“Тоттенхем” Спорт арбитраж судига шикоят қилиш имкониятини кўриб чиқиши мумкин. “Daily Mail” нашрининг қўшимча қилишича, клуб еврокубокларни тарк этиши билан боғлиқ бошқа сабаблар, жумладан, мусобақа орқали топадиган даромадини йўқотиши билан боғлиқ сабаблар бўйича ҳам судларга мурожаат қилиши мумкин.
