Koronavirus tarqalishi sababli Konferensiya ligasi guruh bosqichining 6-turidan o‘rin olgan “Tottenxem” “Renn” uchrashuvi o‘tkazilmadi. London klubi uchrashuvni o‘tkazish uchun astosdil harakat qildi (UYEFA qoidalariga ko‘ra, o‘yin 31 dekabrgacha o‘tkazilishi kerak edi), biroq yakunda ular ma’lum sanani belgilay olishmadi.
“Daily Mail” nashri xabariga ko‘ra, “shporlar” turli variantlarni taklif qilishgan va hatto Fransiyada o‘ynashga ham tayyor edilar. Ammo, UYEFA hech qaysi variantni qabul qilmadi va “Tottenxem”ga 0:3 hisobidagi mag‘lubiyat yozdi. Shu sababdan klub yevrokuboklardan chiqib ketdi.
“Tottenxem” Sport arbitraj sudiga shikoyat qilish imkoniyatini ko‘rib chiqishi mumkin. “Daily Mail” nashrining qo‘shimcha qilishicha, klub yevrokuboklarni tark etishi bilan bog‘liq boshqa sabablar, jumladan, musobaqa orqali topadigan daromadini yo‘qotishi bilan bog‘liq sabablar bo‘yicha ham sudlarga murojaat qilishi mumkin.
