Бразилиялик футболчи Дани Алвеснинг «Барселона» сафида расмий ўйиндаги дебюти санаси маълум бўлди.
Инсайдер Алберт Рожернинг сўзларига кўра, Алвес 5 январь куни Испания кубоги 1/16 финали доирасида «Линарес»га қарши ўйинда каталонияликлар сафида редебют қилади.
38 ёшли бразилиялик футболчи «Барса» билан бир мавсумга узайтириш шарти билан олти ойлик шартнома имзолаган.
Бунгача у 2008 йилдан 2016 йилгача Каталония клубида ўйнаган эди, шундан сўнг «Ювентус», «ПСЖ» ва «Сан-Паулу»да фаолият олиб борди.
