"Манчестер Юнайтед"нинг собиқ ярим ҳимоячиси Пак Жи Сунг "Куинз Парк Рейнжерс U 16" жамоасини бошқарди.
“Фаолиятим давомида футболчилар ва мураббийлардан кўп нарсаларни ўргандим. Баъзилар мураббий бўлиш билан футболчи бўлиш деярли бир хил деб ўйлашади. Мен ўзим учун булар бутунлай бошқа нарсалар эканлигини англадим.
Мураббий сифатида ишлаш нафақат тактика, балки жамоа ичидаги мулоқот ва ҳар бир ўйинчига таъсир ўтказиш қобилиятини ҳам ўз ичига олади", - дея Пакнинг сўзларидан иқтибос келтиради клуб расмий сайти.
Эслатиб ўтамиз, 40 ёшли Пак Жи Сунг 2012 йилда “Манчестер Юнайтед”ни тарк этганидан кейин “КПР”да икки мавсум давомида ҳаракат қилган ва 2014 йилда футболчилик фаолиятини якунлаган.
