“Челси” марказий ҳимоячиси Антонио Рюдигер жамоасининг сўнгги ўйинлардаги ўйини ҳақида гапирди. Ўтган ҳафта “Челси” “Эвертон” билан 1:1 ва “Вулверхэмптон” билан 0:0 ҳисобида дуранг ўйнади. 

“Бу ҳолатда дуранг ҳам мағлубиятга тенг. Вазиятлар умуман муҳим эмас, очко йўқотиш ҳар доим ёқимсиз.

Кадрлар муаммосини баҳона қилиб бўлмайди. Ҳар ҳолда бизда яхши ва самарали жамоа бор. Биз кўпроқ хавфли вазиятлар яратиб, кўпроқ гол уришимиз керак. Шубҳасиз, бизда ҳозир бу борада муаммо бор.

“Вулверхемптон”га қарши ўйинга келсак, иккинчи бўлимда биз анча яхши ўйнадик, аммо барибир ўзимиз хоҳлаган нарсага эриша олмадик. “Челси”да ҳеч ким бу натижадан хурсанд бўлолмайди”, - дейди Рюдигер.