“Chelsi” markaziy himoyachisi Antonio Ryudiger jamoasining so‘nggi o‘yinlardagi o‘yini haqida gapirdi. O‘tgan hafta “Chelsi” “Everton” bilan 1:1 va “Vulverxempton” bilan 0:0 hisobida durang o‘ynadi.
“Bu holatda durang ham mag‘lubiyatga teng. Vaziyatlar umuman muhim emas, ochko yo‘qotish har doim yoqimsiz.
Kadrlar muammosini bahona qilib bo‘lmaydi. Har holda bizda yaxshi va samarali jamoa bor. Biz ko‘proq xavfli vaziyatlar yaratib, ko‘proq gol urishimiz kerak. Shubhasiz, bizda hozir bu borada muammo bor.
“Vulverxempton”ga qarshi o‘yinga kelsak, ikkinchi bo‘limda biz ancha yaxshi o‘ynadik, ammo baribir o‘zimiz xohlagan narsaga erisha olmadik. “Chelsi”da hech kim bu natijadan xursand bo‘lolmaydi”, - deydi Ryudiger.
