“Атлетико” ҳимоячиси Киран Трипьер мадридликлар сафидаги фаолиятини якунлашга яқин турибди. “Матрасчилар” футболчининг трансфери борасида Англиянинг “Ньюкасл” клуби билан фаол музокаралар олиб бормоқда. Футболчининг сотилишини “Атлетико” устози Диего Симеоне маъқуллаган.
Қайд этилишича, томонлар ўртасидаги музокаралар деярли якунига етган. Трансфер суммаси тахминан 18 миллион еврони ташкил қилади.
Эслатиб ўтамиз, аввалроқ, “Манчестер Юнайтед” ўз футболчиси Антони Марсьялни Трипьерга алмаштиришни таклиф қилганди.
