"Лион" ярим ҳимоячиси Лукас Пакетани "Ньюкасл"га 40 миллион еврога сотишдан бош тортди.
Манбанинг хабарига кўра, инглиз клуби французлар рад жавобини берган тақдирда Пакета учун янада кўпроқ пул тўлашга тайёрлигини билдирган. “Лион” раҳбарияти "ҳаккалар"нинг таклифини ўрганиб чиқди, бироқ футболчининг ўзи жамоани ўзгартиришни истамаслигини маълум қилганидан кейин уни рад этди. Шу билан бирга, "Ньюкасл" Лукасга йилига 10 миллион евро тўлашга тайёр эди, бу эса ҳозирги маошидан 2,5 баробар кўпдир.
2021/22 йилги мавсумда Пакета "Лион" таркибида 21 та ўйин ўтказиб, 7 та гол ва 4 та голли узатмани амалга оширган. Transfermarkt.com портали 24 ёшли бразилиялик футболчининг нархини 35 миллион еврога баҳоламоқда.
