"Lion" yarim himoyachisi Lukas Paketani "Nyukasl"ga 40 million yevroga sotishdan bosh tortdi.
Manbaning xabariga ko‘ra, ingliz klubi fransuzlar rad javobini bergan taqdirda Paketa uchun yanada ko‘proq pul to‘lashga tayyorligini bildirgan. “Lion” rahbariyati "hakkalar"ning taklifini o‘rganib chiqdi, biroq futbolchining o‘zi jamoani o‘zgartirishni istamasligini ma’lum qilganidan keyin uni rad etdi. Shu bilan birga, "Nyukasl" Lukasga yiliga 10 million yevro to‘lashga tayyor edi, bu esa hozirgi maoshidan 2,5 barobar ko‘pdir.
2021/22 yilgi mavsumda Paketa "Lion" tarkibida 21 ta o‘yin o‘tkazib, 7 ta gol va 4 ta golli uzatmani amalga oshirgan. Transfermarkt.com portali 24 yoshli braziliyalik futbolchining narxini 35 million yevroga baholamoqda.
