Мадриднинг “Атлетико” клуби бош мураббийи Диего Симеоне Луис Суареснинг омадсиз ўйинлари ҳақида гапирди. Жорий мавсумда уругвайлик ҳужумчи 23 ўйинда 8 та гол уришга муваффақ бўлди.
“Луисга жамоавий ўйин етишмаяпти. Тўп майдоннинг Суарес бор қисмига етиб бориши керак. Агар шундай бўладиган бўлса, у ўтган мавсумдагидек хавфли ҳужумчига айланади”, - дея фикр билдиради аргентиналик мутахассис.
34 ёшли футболчининг “матрасчилар” билан шартномаси 2022 йилнинг ёзига қадар амал қилади. Унинг бозор қиймати 15 миллион еврога баҳоланмоқда.
Аввалроқ Луис фаолиятини МЛСда давом эттириши мумкинлиги ҳақида хабарлар тарқалган эди.
