Madridning “Atletiko” klubi bosh murabbiyi Diyego Simeone Luis Suaresning omadsiz o‘yinlari haqida gapirdi. Joriy mavsumda urugvaylik hujumchi 23 o‘yinda 8 ta gol urishga muvaffaq bo‘ldi.
“Luisga jamoaviy o‘yin yetishmayapti. To‘p maydonning Suares bor qismiga yetib borishi kerak. Agar shunday bo‘ladigan bo‘lsa, u o‘tgan mavsumdagidek xavfli hujumchiga aylanadi”, - deya fikr bildiradi argentinalik mutaxassis.
34 yoshli futbolchining “matraschilar” bilan shartnomasi 2022 yilning yoziga qadar amal qiladi. Uning bozor qiymati 15 million yevroga baholanmoqda.
Avvalroq Luis faoliyatini MLSda davom ettirishi mumkinligi haqida xabarlar tarqalgan edi.
