Мадриднинг “Реал” клуби раҳбарияти хорватиялик яримҳимоячи Лука Модричнинг вакиллари билан музокарага киришди. Томонлар ҳамкорликни узайтириш масаласини муҳокама қилмоқда. Бу ҳақда “Fichajes” нашрихабар бермоқда.
“Қироллик клуби” тажрибали яримҳимоячига маоши йилига 8 миллион еврогача қисқартириладиган янги шартнома таклиф қилмоқда. 36 ёшли яримҳимоячининг маоши ҳозирда 10,5 миллион евро. Агар улар маош борасида келиша олишса, клуб Модрич билан шартномани 2023 йилнинг ўрталарига қадар шартнома узайтиради.
Хорват 2012 йилдан бери Мадрид гранди шарафини ҳимоя қилиб келади. Лука жорий мавсумда Ла Лигада 12 ўйин ўтказиб, 4 та голли узатмани амалга оширди.
