"Челси" устози Томас Тухель жамоа футболчиси Сесар Аспиликуэтанинг келажаги ҳақида гапирди. У футболчини жамоада қолишини тасдиқлади:
"Мен бу борада ҳеч қандай муаммо кўрмаяпман. Мен, Аспи ҳамда клуб ўртасидаги муносабатлар жуда ҳам ойдин. У бизнинг сардоримиз. Уни бу ерда қолиши ва клуб афсонасига айланиши учун барча шароитлар бор. Умуман олганда, Сесар ҳозир ҳам жамоа афсонаси ҳисобланади. Агар охирги пайтларда майдонга тушмаётганига келадиган бўлсак, бунга етарлича сабаблар бор эди. Аввало, унда жиддий жароҳат бор ва бундан фориғ бўлиб олиши лозим".
Эслатиб ўтамиз, "Челси" бугун лига кубоги доирасида "Брентфорд"га қарши майдонга чиқади.
