Миланнинг "Интер" жамоаси бош мураббийи Клаудио Раньери, жамоа ҳужумчиси Диего Форланнинг "Аталанта"га қарши кечган баҳсда нима учун майдонга тушмагани сабабини ошкор қилди.
Эслатиб ўтамиз, Италия ОАВда уругвайлик ҳужумчи жамоа бош мураббийининг қарорига қарши ўлароқ, захирадан майдонга тушишдан бош тортгани ва Раньери билан уришиб қолгани ҳақида хабарлар тарқалганди.
Бугун эса, жамоа бош мураббийи Клаудио Раньери La Gazzetta dello Sport нашрига берган интервюсида Форлан билан ҳеч қандай муаммо бўлмаганини ва нима учун унинг майдонга тушмагани сабабларини ошкор қилди.
"Форлан майдонга чиқишдан бош торгани ҳақидаги маълмуотлар ёлғон. У бош тортгани йўқ. Мен уни чап қанот ярим ҳимоячиси ўрнига майдонга туширмоқчи эдим ва буни ўзига айтдим. Форлан эса, бу позицияда ўйнай олмаслигини айтди. Мен уни тушундим ва рози бўлдим. Чап қанотга эса Люк Кастейносни майдонга туширдим.
"Унинг хақгўйлигини ҳурмат қиламан. Орамизда эса ҳеч қандай келишмовчилик йўқ. Диего майдонда ҳам, машғулотлар чоғида ҳам бор кучи ва иштиёқ билан ҳаракат қилади",-дея Раньерининг сўзларидан парча келтирмоқда La Gazzetta dello Sport
