"Наполи" футболчиси Виктор Осимхен январь ойида старт оладиган Африка чемпионатида қатнашиши мумкин. Бу ҳақида футболчининг ўзи маълум қилди. У Twitter'да шундай ёзади:
"Мен Африка Миллатлар кубогида қатнашиш учун юз фоиз тайёрман. Агар мураббийлар мен чақиришса, албатта етиб бораман".
Эсингида бўлса, "Наполи" ҳамда "Интер" ўртасида ноябрь ойида кечган баҳсда Осимхен юзидан жиддий жароҳат олган эди. Унга юз суяклари синиши ташхиси қўйилиб, кўз соққасидан операция қилинган.
Ўшанда ҳужумчи 3 ойгача майдонга қайтмаслиги ҳақида маълум бўлганди. Ҳозирда Осимхен бу мавсумда 10та голга муаллифлик қилган.
