"Интер", "Милан" ва "Ювентус" клублари "Сассуоло" ярим ҳимоячиси Давиде Фраттезига қизиқиш билдирмоқда, деб хабар беради "Calciomercato".

Манба берган маълумотларга кўра, топ-клублар 22 ёшли футболчининг жорий мавсумдаги ўйинларидан ҳайратда. Футболчи "Рома" тарбияланувчиси бўлиб, Рим клуби футболчини 7,5 дан 10 миллион еврогача қайтариб сотиб олиш ҳуқуқига эга.

Маълумот учун, 2021/22 йилги мавсумда Фраттези "Сассуоло" таркибида 18 та ўйин ўтказиб, 4 та гол ва 1 та голли узатмани амалга оширди. Transfermarkt.com ярим ҳимоячининг нархини 8,5 миллион еврога баҳоламоқда.