"Inter", "Milan" va "Yuventus" klublari "Sassuolo" yarim himoyachisi Davide Fratteziga qiziqish bildirmoqda, deb xabar beradi "Calciomercato".

Manba bergan ma’lumotlarga ko‘ra, top-klublar 22 yoshli futbolchining joriy mavsumdagi o‘yinlaridan hayratda. Futbolchi "Roma" tarbiyalanuvchisi bo‘lib, Rim klubi futbolchini 7,5 dan 10 million yevrogacha qaytarib sotib olish huquqiga ega.

Ma’lumot uchun, 2021/22 yilgi mavsumda Frattezi "Sassuolo" tarkibida 18 ta o‘yin o‘tkazib, 4 ta gol va 1 ta golli uzatmani amalga oshirdi. Transfermarkt.com yarim himoyachining narxini 8,5 million yevroga baholamoqda.