Лондондаги кардиология марказларидан бирида оғир аҳволда ётган "Болтон" ярим ҳимоячиси бугун эрталаб ҳушига келган. Бу ҳақда клуб расмий сайти хабар бермоқда.
"Тоттенҳэм"га қарши кечган баҳсда, юрак ҳуружи туфайли ҳушидан кетиб қолган футболчи, икки кундан бери Лондон клиникаларидан бирида беҳуш ётган ва врачлар унинг саломатлиги учун курашаётган эдилар.
Футболчига яқин бўлган инсонларнинг берган маълумотига кўра, Муамба бугун эрталабга яқин ҳушига келган. Касалхонага уни кўргани келган инсонларни таний бошлаган, ҳамда бир иккита сўзларни талаффуз қила бошлаган.
Марказ врачлари унинг ҳолатида ижобий динамика кўзга ташланганини ва унинг юраги ҳеч қандай медецина аппаратларисиз нафас ола бошлагани ҳақида хабар беришган.
Шундай бўлсада, футболчи ҳали анча муддат интенсив терапия муолажаларини бошдан кечиради ва касалхонада қолиши айтилмоқда.
