"Челси" ярим ҳимоячиси Мэйсон Маунт Лондон жамоасининг Премьер-лига чемпионлиги учун курашиш имкониятларини юқори баҳолади.
“Биз биринчи ўринда эдик, аммо бир неча ўйинда дуранг қайд этдик ва учинчи ўринга тушиб кетдик. Бу шуни кўрсатадики, агар сиз очко йўқотсангиз, турнир жадвалида жуда тез пастлашингиз мумкин.
Соврин ҳар доим бизнинг мақсадимиз бўлган, уни ютишни хоҳлаймиз. Бу мавсумда биз ғалаба қозониш учун ҳақиқий имконият борлигини ҳар қачонгидан ҳам кучлироқ ҳис қиляпмиз. Жамоа билан асосий вазифаларини яхши бажаришда давом этишимиз керак", - деди Маунт.
