Хабарингиз бор, 25 декабрь куни йилнинг энг яхшилари «Энг зўр» UzFootball Awards маросимида тақдирланади. ЎФА раҳбарияти худди шу куни ассоциациясининг навбатдан ташқари Конгрессини ҳам ўтказади ва унда бутун республикадан делегатлар иштирок этади.
Шундан келиб чиқиб, мазкур икки тадбир кетма-кетликда ташкил этилиши кўзда тутилди ва маросим вақти ўзгарди. Унга кўра, 13:30 да ЎФА Конгресси бошланади. Конгресс якунига етиши билан жонли эфирда «Энг зўр» маросими старт олади.
Маълумот учун, жорий йилги маросимдан йилнинг энг яхши футзалчилари ҳамда аёллар футболидаги энг яхшилар ҳам ўрин олган.
