Xabaringiz bor, 25 dekabr kuni yilning eng yaxshilari «Eng zo‘r» UzFootball Awards marosimida taqdirlanadi. O‘FA rahbariyati xuddi shu kuni assosiasiyasining navbatdan tashqari Kongressini ham o‘tkazadi va unda butun respublikadan delegatlar ishtirok etadi.

Shundan kelib chiqib, mazkur ikki tadbir ketma-ketlikda tashkil etilishi ko‘zda tutildi va marosim vaqti o‘zgardi. Unga ko‘ra, 13:30 da O‘FA Kongressi boshlanadi. Kongress yakuniga yetishi bilan jonli efirda «Eng zo‘r» marosimi start oladi.

Ma’lumot uchun, joriy yilgi marosimdan yilning eng yaxshi futzalchilari hamda ayollar futbolidagi eng yaxshilar ham o‘rin olgan.