Германия терма жамоаси ва Мюнхеннинг «Бавария» клуби яримҳимоячиси Йозуа Киммих коронавирусдан тузалган, деб хабар бермоқда Bild.
Эслатиб ўтамиз, германиялик футболчи ноябрь ойи охирида коронавирусга чалинган ва декабрь ойидаёқ унинг ўпкасида инфилтрация пайдо бўлган эди, шу сабабли у Мюнхен клуби мураббийлар штабига 2021 йилнинг охиригача майдонга туша олмаслигини маълум қилган эди.
Манба берган хабарга кўра, кеча унинг ҳолати бўйича навбатдаги текширув бўлиб ўтди, натижада Киммих клубнинг келгуси ўйинига тайёргарлик кўриш учун босқичма-босқич машғулотларга қайтишга рухсат олган. «Бавария» ўз машғулотларини 2 январдан бошлаши режалаштирилган.
Киммих эса 6 ноябрдан бери майдонга тушмади.
