"Севилья" "Манчестер Юнайтед" ҳужумчиси Эдинсон Кавани учун курашга қўшилди, деб хабар беради "Mundo Deportivo". Аввалроқ, футболчига "Барселона" қизиқиш билдираётгани ҳақида хабарлар тарқалган эди.
Ҳужумчининг МЮ билан шартномаси мавсум охиригача амал қилади. 1 январдан бошлаб у бошқа клублар билан бўлажак трансфер борасида музокара олиб бориши мумкин. Хабарларга кўра, ингилиз клуби, футболчини қишда сотмоқчи эмас ва шартнома муддати тугашини кутишга тайёр.
Маълумот учун, 34 ёшли уругвайлик футболчи жорий мавсумда “Манчестер Юнайтед” сафида 8 та ўйинда майдонга тушди ва битта гол урди. Трансфермаркт уни 4 миллион еврога баҳоламоқда.
