Афсонавий италиялик посбон Жанлуиджи Буффон "Ювентус"нинг сўнгги йилларда Европа чемпионлар лигасида муваффақиятга эриша олмагани ҳақида ўз фикрини билдириб ўтди.

Эслатиб ўтамиз, Буффон мавсум-2020/21 сўнгида «кекса синьора»ни тарк этиб, "Парма"га қайтишга қарор қилди. Италиялик посбон фаолияти давомида Европа чемпионлар лигаси совринини қўлга киритмаган (мусобақа финалида 3 марта ўйнаган).

"Ювентус" Криштиану Туринга келганининг илк йилида Европа чемпионлар лигасида ғолиб чиқиши мумкин эди. Ўша йили мен Парижда ўйнаётгандим. Шунинг учун нима бўлганини аниқ билмайман. Кейин мен клубга қайтдим. Роналду билан бирга икки йил тўп тепдим. Биз яхши ишладик, аммо "Юве" ўз ДНКсини йўқотиб қўйди, деб ўйлайман.

2017 йилда бизда тажрибали жамоа бўлгани учун финалгача етиб боргандик, таркибда рақобат бор эди. Биз кучли ва якдил эдик.

Жаҳоннинг энг кучли посбони? Облак, Куртуа, Доннарумма, Нойер, Тер Штеген, Навас. Мен уларни бир қаторга қўйган бўлардим, аммо Жижи (Доннарумма) бир мавсумда улардан ўтиб кетиши мумкин", — деди Буффон.