Микель Артета Обамеянгга нисбатан қўллаган чораси ҳақида фикр билдирди. У вазиятга шундай изоҳ беради:
"Мен клубда ўз ҳокимиятимни диктаторлик ёки раҳмсизлик билан ўрнатиш ниятида эмасман. Мен футболчилардан фақатгина ҳурмат ҳамда ҳаракатни талаб этаман, холос. Бу даражадан камроқ нарса талаб қила олмайман. Акс ҳолда, мени бу ерда юришимдан наф йўқ. Бу исталган жойда футболчилардан сўраладиган минимум талаблар, холос. Мен энг аввало, клубда ишлаётганларга шу нарсани тушунтиришга ҳаракат қиламан".
Эслатиб ўтамиз, Обамеянг жамоасининг сўнгги 4та баҳсида қайдномага киритилмаган эди.
