"Барселона" "Ювентус" ҳимоячиси Маттейс де Лигт ёрдамида ҳимоя чизиғини кучайтиришни истамоқда.
"Diario Sport" хабарига кўра, агент Мино Райола билан бўлиб ўтган учрашувда "кўк-анорранглилар" вакиллари туринликлар де Лигтни сотиши ва ундан тушган маблағни ҳужумчи сотиб олиш учун ишлатиши мумкинлигини билишган. Шу билан бирга, улар нидерландиялик футболчи билан товон пулида кўрсатилганидан анча кам пулга (120 миллион евро) хайрлашишга тайёр.
Де Лигтнинг сотилишининг яна бир сабаби унинг юқори маоши, аммо айнан мана шу сабаб туфайли "Барселона" ҳам уни ўз сафига қўшиб олиши деярли имконсиз ишга айланмоқда. Айни дамда ҳимоячининг талаблари каталонияликларнинг имкониятларидан жуда ҳам баландда.
Маълумот учун, де Лигт жорий мавсум А Серияда 15 та ўйинда майдонга тушиб, 1 та гол урган.
