"Barselona" "Yuventus" himoyachisi Matteys de Ligt yordamida himoya chizig‘ini kuchaytirishni istamoqda.

"Diario Sport" xabariga ko‘ra, agent Mino Rayola bilan bo‘lib o‘tgan uchrashuvda "ko‘k-anorranglilar" vakillari turinliklar de Ligtni sotishi va undan tushgan mablag‘ni hujumchi sotib olish uchun ishlatishi mumkinligini bilishgan. Shu bilan birga, ular niderlandiyalik futbolchi bilan tovon pulida ko‘rsatilganidan ancha kam pulga (120 million yevro) xayrlashishga tayyor.

De Ligtning sotilishining yana bir sababi uning yuqori maoshi, ammo aynan mana shu sabab tufayli "Barselona" ham uni o‘z safiga qo‘shib olishi deyarli imkonsiz ishga aylanmoqda. Ayni damda himoyachining talablari kataloniyaliklarning imkoniyatlaridan juda ham balandda.

Ma’lumot uchun, de Ligt joriy mavsum A Seriyada 15 ta o‘yinda maydonga tushib, 1 ta gol urgan.