"Кристал Пэлас" бош мураббийи Патрик Виейра январь ойидаги трансферлар ойнаси ҳақида фикр билдирди. У шундай дейди:
"Бу даврда клублар керакли футболчиларни топиши қийин кечади. Аммо биз коронавирус юзага келтирган вазиятга қарамасдан, ҳаракатдан тўхтамаймиз. Биз ўз таркибимизни кучайтириш устида ишламоқдамиз. Шу сабабдан январда фақатгина жамоани кучайтиришига ишонадиган номзодларимизни олиб келишни режа қилганмиз".
Эслатиб ўтамиз, "бургутлар"нинг кейинги баҳси "Тоттенхэм"га қарши кечади. Виейра жамоаси биринчи даврада "шпорлар"ни 3-0 ҳисобида мағлуб қилган эди.
