"Ювентус" бош мураббийи Антонио Конте Италия кубоги ярим финалида "Милан"га қарши кечган ўйиннинг матбуот конференциясига ташриф буюрмади.
Матбуот анжуманида унинг ўрнига қатнашган туринликлар мураббийларидан бири Анжело Алессио шундай изоҳлади:
"Антонио ҳар бир ўйинни кучли ҳаяжон билан ўтказади. Ўйин қийин бўлди ва у ҳозир гапира олмайди.
Биз ажойиб ўйин кўрсатдик. Ҳаммаси финалда ўйнашни хоҳлаган йигитларимиз туфайли бўлди. Улар бу мақсадга етиш учун саккиз ой тинимсиз ишладилар.
Бу кеча биз жуда катта жамоа билан куч синашдик. "Милан" олдинга чивиб олганда ҳам ўзимизни қўлга олганимиз яхши бўлди. Қўшимча вақтда учта вазиятни юзага келтирдик ва ниҳоят Вучиничнинг голи содир бўлди", деб иқтибос келтирилади клуб расмий сайтида.
Эслатиб ўтамиз "Ювентус" ва "Милан" ўртасида кечган ушбу ўйин асосий вақти 2:1 ҳисобида миланликлар фойдасига тугаган. Қўшимча вақтда Вучиничнинг голи туринликларни финалга олиб чиқди.
