“Рома” ва “Наполи” клублари “Аякс” ҳимоячиси Нуссаир Мазрауи учун “Барселона”га рақобат қилиши мумкин, дея хабар беради "Mundo Deportivo".
Манба берган хабарга кўра, клублар футболчининг айни вақтдаги ҳолатини кузатиб боришмоқда. Маълум бўлишича, ёзда Мазрауи эркин агентга айланганидан кейин уни "Барселона" ҳам ўз сафига қўшиб олишни мақсад қилган. Каталонияликлар уни Сержиньо Дестга ўринбосар сифатида кўрмоқда.
Маълумот учун, Мазрауи 2021/22 йилги мавсумда “Аякс” таркибида 21 та ўйин ўтказиб, 4 та гол ва 3 та голли узатмани амалга оширган. Transfermarkt.com футболчининг нархини 18 миллион еврога баҳоламоқда.
