"Тоттенхэм" бош мураббийи Антонио Конте дарвозабон Уго Льориснинг клубдаги келажаги ҳақида гапирди.
“Албатта, Льорис бошқа ўйинчилар учун муҳим ўрнак бўладиган футболчи. Уго мени у ҳақида нима деб ўйлашимни жуда яхши билади. Льориснинг қолиши ҳеч қачон "Тоттенхэм" учун муаммо бўлмайди", - деди мутахассис "Goal" нашрига берган интервьюсида.
Маълумот учун, 34 ёшли Льориснинг "Тоттенхэм" билан шартномаси 2022 йилнинг июнигача тузилган. 6 декабрь куни “шпорлар” француз билан шартномани узайтириш бўйича музокараларни бошлагани ҳақида хабар берилганди.
