“Кальяри”нинг уругвайлик тажрибали ҳимоячиси Диего Годин яқинлашиб келаётган трансфер ойнасида жамоасини ўзгартириши мумкин. 

Инсайдер Фабрицио Романо хабарига кўра, 35 ёшли футболчига бешта клубдан таклиф тушган. Диего фаолиятини айнан қаерда давом эттиришини ҳали ҳал қилмаган.

Аввалроқ ОАВда Диего Симеоне бошчилигидаги “Атлетико” жамоасига қайтиши мумкинлиги ҳақида хабарлар тарқалганди. Ҳимоячи хизматларига шахсан жамоа бош мураббийи аргентиналик мутахассиснинг ўзи қизиқмоқда.

Жорий мавсумда Годин “Кальяри” сафида 12 та ўйин ўтказди.