Марокашлик ҳужумчи Юссеф Эн-Несири Испания Ла Лигасини Англия Премьер-лигасига алмаштириши мумкин. “Express” нашри хабарига кўра, 24 ёшли футболчининг хизматларига Лондоннинг “Арсенал” клуби қизиқиш билдирмоқда.
“Канонирлар” январь ойидаги трансфер ойнасида жамоадан кетадиган габонлик Пьер-Эмерик Обамеянгга ўринбосар қидирмоқда. Африкалик футболчига “Барселона” ва Туриннинг “Ювентус” клублари қизиқиш билдирмоқда.
Несирининг бозор қиймати 40 миллион еврога баҳоланмоқда. 2021/2022 йилги мавсумда у андалусияликлар таркибида ўнта учрашувда қатнашиб, учта гол урди ва иккита голли узатмани амалга оширди.
