"Лидс" ҳамда Англия терма жамоаларининг собиқ ҳужумчиси Ноэль Уилан "Ливерпуль" футболчиси ҳақида фикр билдирди. У Виржил ван Дейк ҳақида шундай дейди:
"Унинг жамоага қайтиши жуда катта ютуқ саналади. "Ливерпуль"нинг мухлислари уни соғинганига ишончим комил. Ван Дейк жамоа учун муҳим фигура. Негаки, у орқали ҳимоя сезиларли даражада мустаҳкамланади. Таъбир жоиз бўлса, уни ҳимоядаги ҳақиқий қоя дейиш мумкин. Менимча, айнан унинг жамоада йўқлиги "Тоттенхэм"га қарши иккита гол ўтказиб юборилишига сабаб бўлган эди. Ван Дейк Муҳаммад Салоҳ билан бирга "Ливерпуль"нинг тарихдаги энг яхши харидларидан бири".
Аввалроқ "Ливерпуль" ҳамда "Лидс" ўртасидаги баҳс қолдирилган эди.
