"Lids" hamda Angliya terma jamoalarining sobiq hujumchisi Noel Uilan "Liverpul" futbolchisi haqida fikr bildirdi. U Virjil van Deyk haqida shunday deydi:
"Uning jamoaga qaytishi juda katta yutuq sanaladi. "Liverpul"ning muxlislari uni sog‘inganiga ishonchim komil. Van Deyk jamoa uchun muhim figura. Negaki, u orqali himoya sezilarli darajada mustahkamlanadi. Ta’bir joiz bo‘lsa, uni himoyadagi haqiqiy qoya deyish mumkin. Menimcha, aynan uning jamoada yo‘qligi "Tottenxem"ga qarshi ikkita gol o‘tkazib yuborilishiga sabab bo‘lgan edi. Van Deyk Muhammad Saloh bilan birga "Liverpul"ning tarixdagi eng yaxshi xaridlaridan biri".
Avvalroq "Liverpul" hamda "Lids" o‘rtasidagi bahs qoldirilgan edi.
