“Аталанта”нинг россиялик ярим ҳимоячиси Алексей Миранчукга хорижнинг икки клуби қизиқиш билдирмоқда. Бу ҳақда журналист Альфредо Педулла ўз саҳифасида маълум қилди. Бу клублар номи аниқланмаган. Аввалроқ 26 ёшли россиялик футболчига Италиянинг “Женоа” ва “Верона” клублари қизиқиш билдираётгани хабар қилинган эди.

Жорий мавсумда Миранчук Италия клуби сафида барча турнирларда 12 та ўйин ўтказиб, 1 та гол ва 1 та голли узатмани амалга оширди.

Трансфермаркт портали ярим ҳимоячининг нархини 13,5 миллион еврога баҳоламоқда.

Миранчукнинг Бергамо клуби билан шартномаси 2024 йилнинг июнь ойи охиригача амал қилади.