Лондоннинг "Челси" клуби бош мураббийи Томас Тухель АПЛнинг 19-тур доирасида "Астон Вилла" (3:1) устидан қўлга киритилган ғалаба ҳақидаги фикрлари билан ўртоқлашди.
"Биз уларнинг киритган голига яхши муносабатда бўлдик. Автогол вазиятни қийинлаштириб қўйди. Футболчиларимнинг голга бўлган реакцияси хурсанд қилди. Ҳимояда яхши ўйнадик ва уларга имконият қолдирмадик. Ҳақли ғалабага эришдик, шу билан бирга, қийин ғалаба бўлди. Биз жароҳат олган футболчиларимиздан хавотирдамиз. Бизда ёпилиши керак бўлган "тешиклар" кўпайиб кетди, уларни тўлдиришимиз керак. Биз ҳозир пандемиянинг осон бўлмаган даврида турибмиз, баъзи жамоаларнинг ўйинлари қолдирилмоқда, баъзилариники эса - йўқ. Уч нафар футболчи алмаштириш - бу катта камчилик", - Тухелнинг сўзларидан иқтибос келтирмоқда ВВС.