Англия чемпионати 19-туридан ўрин олган учрашувда "Брайтон" ўз майдонида "Брентфорд"ни қабул қилди ва 2:0 ҳисобида ғалаба қозонди.

Голларга Леандро Троссар ва Нил Мопей муаллифлик қилишди.

Ушбу натижа майдон эгалари учун 18 сентябрдан буён қўлга киритилган илк ғалаба бўлди. Бу давр мобайнида жамоа 8 ўйинда дуранг ўйнаб, 3 бор мағлубиятга учради.

Турнир жадвалида "Брайтон" 23 очко билан 9-ўринда. "Брентфорд" эса 20 очко билан 13-поғонада.

Англия чемпионати, 19-тур

"Брайтон" – "Брентфорд" – 2:0

Голлар: Троссар, 34 (1:0). Мопей, 42 (2:0)

Брайтон: Санчес, Лемпти, Уэбстер, Берн, Кукурелья, Макаллистер (Гросс, 85), Мвепу, Лаллана (Альсате, 85), Модер, Мопей, Троссар (Уэлбек, 46)

Брентфорд: Фернандес, Томпсон (Годдос, 66), Пиннок, Янссон, Бек Серенсен, Нергор, Йенсен (Оньека, 46), Баптист, Канос, Тони, Мбеумо (Висса, 41)