«Вест Хэм»га Украина терма жамоаси ҳимоячиси керак.
«Шахтёр» ҳимоячиси Николай Матвиенко Премьер-лигага ўтиши мумкин. The Athletic нашрининг ёзишича, «Вест Хэм» Украина терма жамоаси футболчиси хизматларига қизиқиш билдирмоқда.
Қайд этилишича, «болғачилар» учун устувор вазифа «Манчестер Сити» ҳимоячиси Натан Аке билан шартнома имзолаш, бироқ «шаҳарликлар» ўз футболчиси билан хайрлашишни режалаштирмаяпти, шу боис «Вест Хэм» бор эътиборини 25 ёшли украиналик футболчига қаратган.
Маълумот учун, жорий мавсум Матвиенко барча турнирлар доирасида 23 та ўйин ўтказиб, битта гол урди ва битта голли узатмани амалга оширди.
