"Барселона" ҳимоянинг ўнг ва чап қанотларига янги ўйинчиларни сотиб олишни режалаштирмоқда, дея хабар беради "Diario Sport".
Хабарларга кўра, Каталония клуби "Челси" ҳимоячиси Сезар Аспиликуэта ва "Валенсия" ҳимоячиси Хосе Гайяга қизиқиш билдирмоқда.
32 ёшли испаниялик футболчи жорий мавсум “Челси” сафида 20 та ўйинда майдонга тушди ва 3 та голли узатмани амалга оширди. Унинг Лондон клуби билан шартномаси 2022 йилнинг 30 июнига қадар мўлжалланган.
26 ёшли испаниялик футболчи “Валенсия” сафида 14 ўйинда 2 та гол ва 3 та голли узатмани амалга оширган. Унинг клуб билан шартномаси 2023 йилнинг ёзига қадар амал қилади.
