"Манчестер Юнайтед" бош мураббийи Ралф Рангник ҳужумчи Антони Марсиял билан хайрлашишга тайёрлигини айтди.
“Мен унинг муҳитни ўзгартириш истагини тушунаман. Лекин бу фақат футболчининг манфаатлари ҳақида эмас. Клубнинг позициясини ҳам ҳисобга олиш керак ", - дейди мураббий.
Аввалроқ, футболчи «Манчестер Юнайтед» раҳбариятига бошқа жамоага кетиш истаги борлигини айтганди.
Жорий мавсумда 26 ёшли франциялик футболчи “Манчестер Юнайтед” сафида 10 та ўйин ўтказиб, 1 та гол уришга муваффақ бўлди. Трансфермаркт.cом форвардни 31,5 миллион фунтга баҳоламоқда.